இலங்கையில் இன்று மாகாண சபைகள் மற்றும் அதிகாரப் பகிர்வு பற்றிப் பல விவாதங்கள் நடக்கின்றன. ஆனால், இதற்கான விதை நூறு ஆண்டுகளுக்கு முன்பே போடப்பட்டது என்பது நம்மில் பலருக்குத் தெரியாது.

சமஷ்டி முறையை முதலில் சொன்னது யார்?

பலரும் நினைப்பது போல சமஷ்டி முறையைத் தமிழ் தலைவர்கள் முதலில் கேட்கவில்லை. 1926-ஆம் ஆண்டிலேயே, முன்னாள் பிரதமர் எஸ்.டபிள்யூ.ஆர்.டி. பண்டாரநாயக்க அவர்கள் தான் “இலங்கையின் இனப் பிரச்சனைகளுக்குச் சமஷ்டி முறையே சரியான தீர்வாக இருக்கும்” என்று முதன்முதலில் குரல் கொடுத்தார். அப்போது அவர் ஒரு இளம் அரசியல்வாதியாக இருந்தார்.

பண்டாரநாயக்கவின் திட்டம் என்ன?

அவர் முன்வைத்த யோசனை என்னவென்றால்:

• இலங்கையை மாகாணங்களாகப் பிரித்து, அந்தந்த மாகாணங்களுக்குத் தன்னாட்சி அதிகாரத்தை வழங்குவது.
• சிங்களவர்களுக்கும் தமிழர்களுக்கும் இடையே அதிகாரப் பகிர்வு இருந்தால் மட்டுமே நாடு முன்னேறும் என்று அவர் நம்பினார்.

ஆனால், ஆச்சரியமான விஷயம் என்னவென்றால், அப்போது இருந்த தமிழ் தலைவர்கள் இந்தச் சமஷ்டி முறையை ஏற்கவில்லை. “இலங்கை ஒரு நாடாகவே இருக்க வேண்டும், பிரிக்கப்படக் கூடாது” என்று அவர்கள் அப்போது நினைத்தார்கள்.

கன்ரோன்’ (Canton) முறை: ஒரு வெளிநாட்டவர் தந்த ஐடியா

1930-களில் இலங்கையில் சிவில் அதிகாரியாக இருந்த லெனார்ட் வூல்ஃப் (Leonard Woolf) என்ற ஆங்கிலேயர் ஒரு புதிய யோசனையைச் சொன்னார். சுவிட்சர்லாந்து நாட்டில் இருப்பது போல, இலங்கையை ஐந்து சிறிய மாநிலங்களாக (Cantons) பிரிக்கலாம் என்றார்.

• தென் மாகாணம், கண்டி, தமிழ் வடக்கு மாகாணம், தமிழ் கிழக்கு மாகாணம் மற்றும் மலையகத் தமிழ் மக்களுக்காக ஒரு தனி மாநிலம் என ஐந்து பிரிவுகளை அவர் பரிந்துரைத்தார்.
• “இலங்கையில் உள்ள ஒவ்வொரு இனமும் கௌரவமாக வாழ இதுவே வழி” என்று அவர் அப்போதே பிரிட்டிஷ் அரசாங்கத்திற்கு அறிக்கை அனுப்பினார்.

வாய்ப்பைத் தவறவிட்ட வரலாறு

அன்று பண்டாரநாயக்கவின் சமஷ்டி யோசனையையோ அல்லது லெனார்ட் வூல்ஃபின் மாகாணப் பிரிப்புத் திட்டத்தையோ இலங்கைத் தலைவர்கள் சரியாகப் பயன்படுத்தியிருந்தால், இன்று நாம் சந்திக்கும் பல இனப் பிரச்சனைகள் அன்றே தீர்ந்திருக்கலாம்

ஆனால், காலம் கடந்து 1931-ல் வந்த ‘டொனமூர் சீர்திருத்தம்’ மாகாண முறையை நிராகரித்து, வேறு ஒரு முறையைக் கொண்டு வந்தது. அதன் விளைவுகளைத் தான் நாம் இன்றும் அரசியலில் சந்தித்து வருகிறோம்.

இன்று நாம் பேசும் மாகாண சபைகளுக்கான ஐடியா, 1920-களிலேயே சிங்களத் தலைவர்களாலும், ஆங்கிலேய அதிகாரிகளாலும் முன்வைக்கப்பட்டது. அன்று அதனைத் சரியாகக் கையாளாததன் விளைவே, இன்று நாம் சந்திக்கும் அரசியல் இழுபறிகள்.