விக்டோரியாவில் டாக்ஸி ஓட்டுநர்களை கட்டுப்படுத்தும் புதிய சட்டங்களை அறிமுகப்படுத்த அரசாங்கம் திட்டமிட்டு வருகிறது. கடந்த காலங்களில், டாக்ஸி ஓட்டுநர்கள் கட்டணங்களை சட்டவிரோதமாக மாற்றி பயணிகளை ஏமாற்றிய பல்வேறு புகாருகள் எழுந்ததைத் தொடர்ந்து, இந்த நடவடிக்கைகள் எடுக்கப்படுகின்றன.
அமைச்சர் கேப்ரியல் வில்லியம்ஸ் வெளியிட்ட அறிக்கையின் மூலம், புதிய விதிமுறைகள் குறித்து விளக்கம் அளிக்கப்பட்டுள்ளது. அதன்படி:
- ஒவ்வொரு டாக்ஸியிலும் QR குறியீடு கட்டாயமாக இடப்பட வேண்டும். பயணிகள், அந்த குறியீட்டின் வழியாக ஓட்டுநர் விவரங்கள், புகார் அளிக்கும் வழிகள் உள்ளிட்ட தகவல்களை அறிந்து கொள்ள முடியும்.
- டாக்ஸியில் உள்ள சிசிடிவி (CCTV) கேமராக்கள், வீடியோவுடன் ஒலியையும் பதிவு செய்யும் வகையில் மாற்றப்பட வேண்டும்.
- இரண்டு அல்லது அதற்கு மேற்பட்ட முறை சுங்கக் கட்டண முறைகேடுகளில் ஈடுபட்டதாகக் காணப்படும் ஓட்டுநர்களின் உரிமம் இடைநிறுத்தப்படும்.
இந்த நடவடிக்கைகள், பொதுப் பாதுகாப்பையும் பயணிகளின் நம்பிக்கையையும் உறுதிப்படுத்தும் நோக்கத்திலேயே எடுக்கப்படுகின்றன என்று அமைச்சர் தெரிவித்தார்.
இந்த புதிய விதிகளைப் பற்றிய விளக்கத்தில், விக்டோரியா டாக்ஸி சங்கம் தனது ஆதரவைத் தெரிவித்ததுடன், இது உபர் (Uber), திதி (DiDi) போன்ற ஆன்லைன் சேவை நிறுவனங்களுக்கும் சமமாகவே அமல்படுத்தப்பட வேண்டும் என வலியுறுத்தியுள்ளது.
இந்தச் சட்டங்கள் 2025ஆம் ஆண்டு இறுதிப் பகுதியில் அமலுக்கு வருவதற்கான நடவடிக்கைகள் தீவிரமாக முன்னெடுக்கப்பட்டு வருகின்றன.
